პარკის და ბულვარის ტერიტორიაზე შექმნილია სხვადასხვა ტიპის რეკრეაციული ზონები, რომლებიც სივრცეს ბუნებრივი სიმწვანით და სილამაზით ავსებს. იგი 8 ჰექტრამდე სივრცეშია გაშლილი, 2 წელია ფუნქციონირებს და უკვე დარგულია 10 000-მდე სხვადასხვა ჯიშის ხემცენარე. პარკს, ჰყავს პროფესიონალი მებაღეები, რომლებიც მუდმივად ზრუნავენ მის მოვლასა და განახლებაზე, მდებარეობს მდინარე მტკვრის პირას, რაც სივრცეს დამატებით სიმშვიდეს, განსაკუთრებულ ხედებს და სასიამოვნო გარემოს სძენს დასვენებისთვის და სასეირნოდ.